Het jul al gewonder hoekom motte na lig toe aangetrek is? Die wetenskaplike teorie is dat hulle geprogrammeer is om op te vlieg na die maan, dus dink hulle die lig is die maan. Daar is n ander teorie wat se dat die mannetjie motte word na die lig aan getrek want die lig aktiveer een of ander feromoon. Ek wonder dikwels of hul net van die lig hou want dis mooi.
Net soos die mot na lig, is n mens na die idee van liefde aangetrek. Die skerp lig wat baie gaaf lyk. Ons gaan na die lig toe, maar ons weet nie hoekom nie. Dis n ingeboude instink wat jou soos die mot, tot jou dood kan laat lei, of jou kan maan toe laat vlieg.
Weet die mens, soos die mot wat die verskil is tussen wat mooi lyk en liefde is? Ek dink meeste van ons vind die eers later in die lewe uit en van ons nooit.
Solank ons aan hou vlieg is daar hoop en n kans om te leer.